Yabtel li snail tsobvanej ta jlumaltike
Buch’u va’al ta sk’an ta sjel-ech’el k’utik
Li k’usitik ta xkich’kotik ta muk’
Li ta Amigos de San Cristobal A.C. ta xkak’ jk’opkotik ti ko’ol chich’ pasel li abteletik, ja’ chich’ ch’el ta muk’: ko’ol ta xi abtejotik, ta xkich’jbatik ta muk’, ta xich’ ak’el iluk li k’usitk chich’ pasele, ja’ tsots chich’ k’elel li buch’u tsots svokolalike xchu’uk chich’ pasel k’ustik ach’ik, yu’un ja’ ta xk’ot o ta pasel li yabtelanel li koltaejbail ta jlumaltike.
Ko’ol ta xi abtejotik
Chich’ jelel ech’el li vokolal ts’ibtabil xa k’u x-elane xchu’uk jayvo’ nox buch’utik ta spas mantal. Ja’ ta xich’ beinel ech’el li ko’ol koltaejbaile, chich’ ich’el ta muk’ ti ep jelel li k’u x-elan ta yokel chi abtejotike xchu’uk chich’ akel ti ep k’usitik stak’ pasel xchu’uk li k’usitik oy yu’unik, te chich’ ak’el ech’el li ta stoylejal Chiapas, ta tsobol xchu’uk li yan j-abteltik buch’utik teyim xa ta abtele.
Ich’vanejbail ta muk’
Ta xich’ ich’el ta muk’ li jelelutik xchu’uk jlekiltik ta jujun krixchano, k’u x-elan chak’sba iluk li ta skuxlej xchu’uk slekil. Tey chich’ likesel ach’ abteletik xkuneta ta xak’sba iluk k’ucha’al jun j-abtel ti ta sk’an ta sjel li kuxlejale, tey ta xlik ech’el ta sk’opojel , k’usitik sna’ xchu’uk ta spas ech’el li abteletik sk’anto pasele.
Ak’el iluk li k’usitk chich’ pasel
Ta xkak’kotik ta ilel ti tuk’ lek li kabtelkotik li ta k’usituj yu’un ja’ yech ta xich’ik ojtikinel ta slumaltik xchu’uk li k’usi snaik xchu’uk k’usi ta sk’anik. Tey ta stambeik ech’el abteletik yo’ x-ojtikineik o ech’el k’ucha’al j-abteeltik ta sk’an ta sjlelik ech’el li kuxlej, ja’ ta stunesik ech’el li k’usi sna’ik, k’usi ta xal yo’onik xchu’uk k’usi ta sk’an ta spasik ta sjelel li kuxlejale.
Tsots chich’ k’elel li buch’u tsots svokolalike
Sk’an chich’ jelel li k’usitk chopolik ta kuxlej. Ta xich’ sa’el sbelel li k’usitk lekike, tey tsakal ti tsots sk’an xich’ yules ta jolol xchu’uk ta xchotiik ta sloiltael bu tsots k’opetik sk’anto k’elele, ak’o k’otuk ta pasel abteletik ta jujuntal xchu’uk ta tsobol bu ta xich’ ak’el iluk ti stak’ xich’ ak’bel yip li buch’u teyik ta vokolale.
Spasel k’ustik ach’ik
Ta xich k’elel mi xtun ach’ abteletik yo’ xich’ p’olesel li kotaejbail li bu nakajtikotike, te chich’ chanel ta tsobol ta jlumaltik xchu’uk tey ta jbatik ta xk’ot ti chich’ pasel ach´ abteletik bu chich’ koltaelbail ta komon ma’uk bu ta sk’elanik nox li k’usi mu’bu ta xtune, bu ta xich’ ak’el iluk ti stak’ lek ta pasel abteletik ta jlumaltik, ta jtalel jkuxlejaltik xchu’uk ta jme’tik balamil.
