Jchi’iljbatik li’ ta Te’tikaltik

Li jchop tsobol jnaklometik sbiik jchi’iljbatik li’ ta Te’tikaltik ja’ ochemik vaxakvo’ krixchanoetik nakajtik ta yantik lumetik ta sjunul Mexico. Naka antsetik buch’utik yal sk’opik ta saik ech’el sbeik k’u x-elan ta skoltasbaik ta slajesel ech’el k’usitik ta smuk’ib tas li vokolaletike xchu’uk tax abtejik ech’el ta spasel jun balamil bu ko’oluk skotol buch’utik li’ nakalike.

Li jchi’iljbatik li’ ta Te’tikaltik ja’ tey tsobojsbaik jchop krichanoetik ti jelel k’u x-elan nitajtik jujuntal xchu’uk li jnaklometik li’ stoylejal yosilal Chiapas, yech’ola’un ja’ ta sk’anik ta skoltasbaik ta sk’elel stuk’ulanel ti jujun lumetik li’toe, ta sk’an ta xchanik ta xojtikinik ti kusitik abtelaletik yokel chich’ pasele.

Li jchop jnaklometike te stik’ojsba krixchanoetik jelel snopbenik xchu’uk k’usi ta sk’anik. Chich’ik ich’el ta muk’ xchu’uk ta xak’atik ta ojtikinel. Ja’ tey snitanojsbaik ta abteletik ta tsobol xchu’uk jelajtik k’usitik stak’ spasik, ja’ tey chmuk’ib ech’el xchu’uk ik sp’ijilik xchu’uk ta smuk’ib tas li k’u x-elan ta xich’ ilel li vokolal, tey ta sjam ech’el sbeik xchu’uk ta snit abteletik e li k’u x-elan ta xilik k’usi to sk’an li’ ta stoylejal Chiapas.

K’usi sk’an ta spasik

Ta xich’ pasel, ta tsobol xchu’uk ta nom, jun abtelal buy ta xak’ik koltael li’ ta stoylejal yosilal Chiapas, bu tao sko’ol skuxlejik, k’usi sna’ik xchu’uk k’usi ta xich’ik ta muk’ skotol ti buch’utik teyik stsobojsba’ike.

Yich’el ta muk’

Ta xk’ot ta pasel li k’usi yeche, ko’olotik, ta xak’ sk’opik , jun yo’onik, ta sk’uxubaj ta yo’onik li buch’u oy svokolaike.